منتهى الصراحه والصدق كتبت

اسرار ووضوح ومشكور على نقاوه قلبكـ


كل معاني الشكر لتمرير التاج على هاله

لكـ من الشكر اكثره ومن الورد اجمله


هاله

ابدعت يا صديقى فى الاسرار الجميله
فانا احمد الله انى عرفت فى اللقاء صديق جديد
اشكرك على مرور التاج على
بس قولى مين وهيمات
تقبل خالص تحياتى وحيد

الغاليه جدا هاله:

شكرا لك عزيزتى على تقبلك دعوتى

ولعلمك هذه الاسرار لا يعلمها إلا أنا ولم أفصح عنها لأى بشر

ولكن لوجودى داخل جيران أظهرتها لإنها أقرب إلى قلبى من أى بشر

دمت فى رعايه الله وحفظه

الصديق شاعر الومانسيه وحيد:

شكرا لك يا صديقى العزيز على كلماتك الصادقه

ففإننى أحمد الله أكثر بإننى تعرفت على صديق غالى عندى مثلك

عايز تعرف مين هى "وهيمات"

هى شخصيه وهميه توجد بداخلى لا أكثر ولا أقل

دمت فى رعايه الله وحفظه

عماد الصديق العزيز :
طبعا انت شفت الويل اللى كنت فيه امبارح عشان اعدل المقال ... و بعد ما عدلت مكنش فيه دماغ لاى حاجه ... ونسيت أكون اول المعلقين
المهم يا سيدى :
ان اول شىء هعمله معاك لما تيجى البيت عندى انى هربطك فى السرس واجلدك لحد ما تعترف مين وهيمات : )
اسرارك لى لم تكن اسرارا فانت قلب نقى وطاهر كما عرفتك
هيروووووووو

أخى الطيب الطيوب / عماد

أسرارك أفصحت لنا عن قلب طيب جدآ كما بدا لنا من خلال اللقاءات العائلية الجميلة ، إنت فعلآ طيب جدآ .
وأدعو الله أن يحقق لك كل أحلامك وطموحاتك .
دمت صديقى العزيز فى حفظ الله وآمنة .

الصديق اللذيذ هيرو:

أكيد كان يوم الحمد لله على كل شىء

مش مشكله أنك تكون أول المعلقين المهم أن قلمك لا ينقطع عن مدونتى

أقوللك على حاجه إنى انا مش هاجى عندك البيت لأنى انا عارف انك هاتعملها بجد

:) :) :) :) :)

شكرا لك يا صديقى الغالى جدا على كلماتك

من قلب لا يهدأ ولا ينام

دمت فى حفظ الله ورعايته

الصديقه العزيزه إيمان:

أشكرك على كلماتك الرقيقه التى هى عندى غاليه

وأقوللك شفتى السو.....سه خرج منه إيه

هى أسرار خطيره جدا :)

دمت فى حفظ الله ورعايته

صديقى عماد:
ربما كانت هذه المره الاولى التى ازور فيها مدونتك..ولكنها ليست غريبه عنى اطلاقا..
اما اسررك التى تشاطرتها معنا فانى اصدقك الاول انى اشاطرك الاولى..
(الغربه فى القلب)
وياله من مفهموم...
وقد عبرت بمنتهى الصدق والشفافيه عما يدور بصدرك وما تشعر به..
اما مدونتك كلمات بلا هويه على الرغم من جمال مضمونها فدعنى اقول لك:
ان الهويه هنا .. فى الكلمات ستجدها على الرغم من الغربه ومما تشعر به
فاصمد معها تصمد معك..
واختيارك لى لاكمل التاج يسعدنى كثيرا
وانتظرنى فى اقرب وقت
شكرا لك واتمنى دوام التواصل..
SAMSOMA

اسرة حوار مع مدون
تعلن انه قد تم نشر اولى حلقات اشتياق مع الاستاذه ماجده سليمان ونتمى منك الزياره لنتعرف على بعضنا مدونين جيران
هدفنا المحبه والتعارف بيننا اسره جيران
اسره وحده هدف واحد حب واحد
دعوه لمشاهده الحوار ونتمى ان نكون وفقنا فى هذا البرنامج

اسرة برنامج حوار مع مدون

اخى العزيز عماد الصراحه هى عنوان هذا المقال وانت بجد فيك الصفات المكتوبه و العجيب ان انا بردة فى بعض الصفات دى مثل الوحدة و هو اكبر المشاكل الوؤلمه اتمنى ان تقضى عليها و عندئذ قل لى كيف قضيت علي هذا الشعور و اتمنى من الله دائما ان تكون باحسن حال و الا تفارق الابتسامه شفاتيك للابد

تعرف يا عماد؟؟؟
انا وقفت علي باب مدونتك اسأل نفسي يابت تدخلي؟؟
يابت متدخليش؟؟
ده عماد كاتب (سرى للغايه...ممنوع الدخول!!)
لكن قلت لازم ادخل عشان انا مش اي حد
انا عارفه عماد
هيقابلنى بالترحاب
وقمت دخلت
لقيت عماد فارش خمس اسرار
فضلت مبتسمه لحد ما انفجرت من الضحك في اخر سر لما عرفت السيده اوهام
قلت لازم ادعي لعماد ابنى ان ربنا يبعت له ست البنات كلهم اللي تحبه وتخليه يبطل اوهام
سلمت يا عزيزى
بجد انت شخصية جميلة جدا
وعلي فكره انت قلت في اسرارك انك شخصيتين
اطمنك ان ده طبيعي في مرحلتكم
وسوف تثبت الشخصية الاقرب الي نفسك بعد فتره وجيزة
انا رايحه انام احسن تعبت النهارده من الانتظار علي بابك والسؤال
ادخل؟؟
ما ادخلش؟؟
ربنا يوفقك يا عماد

عماد على فكره يوم ما بعتلى تعليقك دخلت عندك و كنت فاكره انى سيبت تعليق ليك بس لما جيت اشوف ردك على تعليقى لاقيت مفيش تعليق ليا عندك اصلا

مش عارفه ايه اللى بيحصل فى دماغى ده

المهم:

ميرسى لانك افتكرتنى فى الدعوات و قريبا جدا هنزل الخمسه اشياء

تانى حاجه فى شخصيتك
اقولك انا هاقولك من دماغى و انا مقرتش الموضوع انهارده بس لسه فاكره

انتا مش بتعرف تتكلم قبل ما حد يبدأ معاك الكلام لما تكون مزعلو ده مش وحش يا عماد خالص عادى سيبو هو يبدأ باى حاجه

موضوع حب من طرف واحد ماليش انى اتكلم فيه بس ليه يابنى كده

ده مش اسمو حب من الاخر

عارف هشرحلك كام كلمه قالهم لينا استاذ الفلسفه بتاعى فى التعليق اللى بعدو

الصديقه سلمى:
شكرا لك على زيارتك العطره لمدونتى البسيطه

عزيزتى سمسومه أننى فعلا أشعر بالوحده الفظيعه عندى ولا أعرف ما سببها رغم اننى لست كذلك


(اما مدونتك كلمات بلا هويه على الرغم من جمال مضمونها فدعنى اقول لك:
ان الهويه هنا .. فى الكلمات ستجدها على الرغم من الغربه ومما تشعر به
فاصمد معها تصمد معك)

هذا ما أردت دوما البحث عنه ألا وهو هويه الكلمات التى اكتبها

دمت فى حفظ الله ورعايته

أملا من الله استمرار ذلك القلم الرقيق بمدونتى

إلى أسره حوار مع مدون:

نشكره أسره حوار مع مدون وذلك للتنويه لنا عن حلقتها الاسبوعيه

برنامج رائع واسره رائعه تعمل لهدف واحد

ألا وهو (هدفنا المحبه والتعارف بيننا اسره جيران
اسره وحده هدف واحد حب واحد)

دمتم فى حفظ الله ورعايته

الصديق العزيز أحمد مهدى:
شكرا لك صديقى العزيز على كلماتك

مش عارف اتخلص منها ازاى

أقوللك على طريقه حلوه
نمشى فى الشارع ونقول
الوحده الوحده حوالى من 100000000000000الى 9000000000000000000000000000

ساعتها يمكن نلاقى نتيجه

بس برده مش هاتجيب نتيجه لأن كل واحد دلوقتى بيقول يلا نفسى

ولا هيبقى فى وحده ولا واحده

:) ههههههههههههههههه

تعالى هنا انت جيت تزوقنى بكلمتين عشان تهرب من التاج ولا إيه لأ انسى انا مش هاسيبك هههههههههههههههههه


دمت فى رعايه الله وحفظه

الاستاذه ومامتى الغاليه نبيله:
طبعا انتى مش أى حد انا أقدر أقوللك ماتدخليش ماقدرش أقول كده

بس قوللى ايه رأيك فى الست وهيمات
حلوه ولذيذه مش كده برضه

يا رب تيجى ست البنات اللى تفوقنى وترشنى بكوبايه الميه عشان افوق من الاوهام دى

أشكرك جدا جدا

وذلك على انك طمأنتينى على الانفصام فى الشخصيه لدى ويا رب تنتهى من عندى بسرعه احسن انا زهقت خالص جدا

أتمنى لك أحلام سعيده جدا

دمت فى حفظ الله ورعايته

انا مالى :

أقوللك على حاجه انتى اصلا الفلسفه كلت دماغك والثانويه العامه أثرت على الذاكره عندك

انا انصحك انك تاخدى راحه يومين كده عشان دماغك ترجعلك تانى احسن بعد كده اسبوعين وهلاقيكى مستشفى المجانين

ههههههههههههههههههههههههههههه

:) :) :) :) :)


شكرا ليكى انتى انك قبلتى الدعوه ولما نشوف بقى ( انا مالى )

هاتنزل ايه ؟؟؟؟؟؟

انتى عارفه حاجه ان واحد صاحبى فضل زعلان منى اسبوع وفى الاخر هو جيه كلمنى

وبعد اول كلمه قالها قمت انا كلمته واعتذرت له ودا مش تكبر منى ولا شى بس مش عارف هى بتيجى عندى كده شوفولى حل بقى انتوا

أقوللك هو أصلا مافيش حب عندى

الحب الللى عندى وهمى ودا واضح فى كلامى بعيش حاله تهيئات انى انا بحب

انا مستنى الكام كلمه اللى قالهم ليكى استاذ الفلسفه
اللى انتى قلتى هاكتبهم فى التعليق اللى بعدو ولا فى تعليق ولا حاجه

انا منتظر

دمت فى رعايه الله وحفظه

اخى الغالى العزيز عماد

طبعا اعتذر لك على تأخرى فى الدخول لمرضى اليومين السابقين

اسرار بعضها كنت اشعر به بدون ان تتكلم به قرأته فى روحك والبعض كان جديد تماما على خصوصا حكاية الاوهام الاخيرة دى

بس خلاصة الامر ككل انك انسان جميل جدا يا عماد وكل ما تمر به حاليا هو طبيعى جميعا مرينا به الا ان تمر هذه المرحلة بحلوها ومرها وتثبت الشخصية وتثقل فلا تقلق

تحيتى لقلبك يا غالى وهناك رسالة ارسلتها لك مع هيرو فهل ابلغك بها ام لا؟؟؟؟؟

ربما تكون أسرارك الخمسة من أصدق الأسرار التى قرأتها من قبل!

- أحيي فيك "فهمك" لنفسك عندما قمت بتحليل "عماد" إلى شخصيتين، وأحيي فيك الجرأة التى كتبت بها هذا السر،، فلم تخش أن يفهمك أحدهم فهماً خاطئاً.

- عن خطأك: فمجرد إعترافك بأنك أخطأت ،، فقد تخطين نصف الطريق لحل الكشكلة، ومجرد عزمك على عدم تكرار الخطأ فقد قمت بحل النصف الثانى من المشكلة،، عماد .. أنت الآن لا يربطك بالخطأ شئ.. فتناساه.

- ترى لماذا تكون الحبيبه فى السر الخامس فى معظم التاجات ؟؟ !!

- ملاحظة أخيرة: عنوان المقال تقليدى بعض الشئ،،

- ملاحظة بعد أخيرة: إنت إنسان "طيب"!

صديقنا العربي أو المصري
أنت مدعو هنا

http://egblogers.jeeran.com/blog/archive/2007/4/196448.html
*********
وإن كان لك رأي من فضلك أنت ونحن في إنتظاره أدخل هنا لإختيار أفضل مدون لعالم 2006
http://egblogers.jeeran.com/blog/archive/2007/4/196443.html

ههههههههههه

سورى يا عماد بعد ما كتبت التعليق الاول نسيت اكتب التعليق تكملتو
ما علينا
على فكره عندك حق الفلسفه مبهدلانى بس بجد ماده جامده

استاذ الفلسفه بقى يا سيدى كان بيشرحلنا حاجه

و بعدين دخل فى حاجه تانيه خالص و هى الحب من طرف واحد و ان هو مؤمن تماما ان مفيش حاجه اسمها حب من طرف واحد
بمعنى

فرسملنا دايرتين على السبوره

و قالنا لو الدايرتين دول بيحبو بعض...
- و راح موصلهم ببعض -
اذا هو ده الحب

اما اذا كان الديرتين دول واحده فيهم مش بتحب التانيه ....
- و راح مشغبط على واحده و عمل علامه إكس -
اذا ده مش حب

قولناله يا مستر فى حاجه اسمها حب من طرف واحد

قالنا انتو اغبيا ؟
مش انا علمت على الدايره غلط ؟
يبقى حب ازاى؟

ههههههههه بصراحه اكتر استاذ بحبو و اللهى بسبب كلامو ده -اللى مش كتير بيفهمو-

على فكره يا عماد هو بيتكلم كده علشان شايف ان اللى ميفهمش قصدو يبقى ميستحقش يفهم

يعنى هو قصدو ان الحب هو ما يولد بين الطرفين
و غير كده يبقى لسه الحب مجاش ولا اتكون

وبعدها قالنا ركزو فى الرس بلا كلام فاضى هههه

ياريت اكون قدرت اوصلك هو قصدو ايه

اختى الغاليه جينا:
قلقت عليك لدرجه لا توصف
كنت كل فتره ادخل عندك انتظر ان تكونى علقتى فالا أجد شيئا
وعذرا على اننى لم أقم بالاتصال فكانت ظروفى لم تسمح حينها حتى الان ألف ألف سلامه عليكى يا غاليه وسلامى للغاليه جدا ماما

شكرا لك جينا لمؤازرتى على ان امر من تلك المرحله العصيبه عندى

عارفه حاجه احمد دا لا صاحبى ولا أعرفه :)

ههههههههههههههههههههههه

يعنى يوم ما انتى وصلتى السلام ليه معايا أتصلت بيه مخصوص فى نفس اليوم شان اوصل سلامك

رسالتك ليا من احد لم تصل بعد أرجو عمل اللازم مع احمد ههههههههههههههههه

دمتى فى حفظ الله ورعايته

الصديق الغالى مادز الجميل:
تعرف شىء مادز انى ما بعرف اخبى شىء عن نفسى فأجد نفسى واضحه امام الناس لا أسطتيع ان أخفى شيئا تريد نفسى إظهاره فهى دائما ما تغلبنى وتسيطر على

تعرف حل ليها ؟؟؟؟؟؟؟



شكرا لك مادز على كلماتك الجميله فكما قلت لك هذا انا ولا شىء أخبيه

وعن تحليلى لشخصيتى ففهذا ما اجده حاليا وقد تم طمأنتى من قبل الاستاذه نبيله وجينا على انها مرحله وهاتعدى وبعدها ستجد شخصيتك

أما عن الحبيبه ووجودها فى السر الخامس
مممممممممممممممممم

مش عارف بس هى جت عندى كده

شكرا لك على ملاحظتك ولكنى أقول لك ان هذا العنوان هو الذى طرأ لى حينها وأيضا كان عندنا نظافه عامه للبيت فلم أأخذ راحتى فى إختيار العنوان


عزيزى مادز إن كنت انا طيب فأجد أنك أطيب الطيابه يعنى طيب*3

زى القوه الثلاثيه :) :) :)

دمت فى حفظ الله ورعايته

انا مالى ( علياء شكر):

يومين ..... يومين عشان تشرحيلى اللى قاله استاذ الفلسسفه بتاعك

حرام عليكى والله افضل متذنب دا كله عشان تعليقك :) هههههههههههه

يلا ما علينا

تعرفى شىء انى انا برده كنت بكره الفلسفه موت ودا كان السبب اللى خلانى اكمل علمى رغم مجموعى الضعيف

ولكن دلوقتى انا بجرى وراها ( الفلسفه)
بروح احضر محاضرات فلسفه فى كليه الاداب عندنا فى الجامعه لأنى لقيت الفلسفه دى علم كبير اوى يخيليكى تنظرى للعالم من منطوق اخر او بمعنى اخر بتوسع الفكر لدى الانسان
تعاملى مع الفلسفه على انها علم وليس على انها منهج ينتهى بإنتهاء الامتحان الخاص بها

الكلمتين بتوع الاستاذ وصلوا وعششوا فى الدماغ وعملوا احلى أصتباحه:)
ههههههههههههههههه

شكرا ليكى لعدم نسيانى بس برده تكتبيلى التعليق بعد يومين

دمتى فى حفظ الله ورعايته

صديقى عماد
قد لبيت طلبك
اتجه راسا الى مدونتى..
samsoma

عماد العزيز ..

جعلتني أتذكر يوم كنا صبية في المرحلة الإعدادية نكتب لبعضنا الرسائل المشفرة - حتى لا يفهمها المدروسون إذا ما وقت في أيديهم - التي يترأس عنوانها جملة (سري للغاية) ...

كانت أياماً رائعة بحق ...

أما بخصوص متاريسك الموضوعة ، ولافتتك التي تأمرنا بعدم الدخول ، فحتما سأتجاهلها كما فعل الآخرون غير مهتم بكوني سأخرج سليما أم لا ...

الوحدة ..
أحسبك لا تعي فعلا المعنى الحقيقي لها . ربما قصدتَ أنك تميل لأن تكون منفردا بنفسك بعض الشئ . فشخصٌ مثلك ، رأيت أنا كم هو محبوب بين أصدقائه الرائعين فعلا .. أعتقد أن شعورا بالوحدة لن يعرف طريقه إليه أبدا ...
وحتى إن حدث ، فعليك أن تنفضه عنك سريعا . فلابد أنه شعور خانق ومتعب ...

أما عن عدم المبادرة بالاعتذار لمن أخطأت في حقه ، ولأننا نعرفك جيدا ، سندرك أنه اعترافٌ ضمني بخطأك . لكن المشكلة فيمن لم يتعرف إليك جيدا ..
وصدقني يا عماد .. شعور جميل و نادر هو الذي ستشعر به عندما تتقدم معتذرا لمن اقترفت ذنبا بشأنه ...
خذ المبادرة ، فهي من صفات الرجال حقا ..

وإذا مررتُ على ثالث ورابع أسرارك فسأكتشف أنك واضح وصريح بدرجة كبيرة مع نفسك قبل الآخرين . وهذا جيد ...

أما الحب ...
وآهٍ من الحب ...
فلن أعقب إلا على كلمة (سيدة) ...

سيدة مين يا عم سيدة إنت ؟؟؟
بتحب سيدة يا عماد !!
ماشي يا عماد ..

ألا ترى معي أني من أحتاج وبشدة إلى كوب الماء الذي تضعه بجانب فراشك ، لا لأسكبه على وجهي ، بل لأبلل حلقي الذي جف من كثرة الكلام ...

عموما ..
لم يكن الحب وهما أبدا ، ولن يكون ..
إنما الوهم هو نحن يا عماد ..
تفهم ذلك . ليس الوهم شيئا صنعناه ، بل هو نحن ..
للأسف ..

الله معك ..

{ بدون مجامله}
مقال ممل

بسم الله الرحمن الرحيم

بالرغم من كل شىء والصراع الموجود فى جيران لكن برنامج حوار مع مدون حيستمر عشان يكون الحب بيننا اسره واحده
هدف واحد فى جيران
وبالفعل تم الحوار بين اشتياق وملكه النحل واغنيه الحلم العربى التى اختارتها منى ملكه النحل الذى اسعدنا تواجدها فى الحوار الجميل
ندعوك اسره برنامج حوار مع مدون لمشاهده الحوار
ننتظر آرائكم وأسئلتكم للملكة
تحياتى لكم

بجد
عماد اسرارك جامده بس في حاجة
هي سيده ولا فتاة
وضح يا صاحبي
وبلاش تقول انفصام شخصية انا عاوز اقول لك انه فترة المرتهقة اللي بنعشها كلنا اي نعم احنا في نهايتها
بس هي بتخلي عندنا تعدد في الشخصيات
وده لا يسمى انفصام في الشخصية

الاسرار كلها حلوه خاصه حكايه التهيئات دى هههههههههههههه
وبالنسبه لانفصام الشخصيه بيتهيالى الشخصيه التانيه احلى بكتير
وعموما اخمسه احلى من بعض وانت قولتهم بصراحه وبتلقائيه جميله
(فاطمه)

صديقي

عماد

قريت العنوان اتلاقيته

سري للغايه

جالي فضول ودخلت

وقريت بغلاسه يمكن علشان اعاندك في عنوانك

بس قريت حاجات حلوة قووووي

فيك صراحه متناهيه

شدتني قريت الخمسه كلهم

جميله صراحتك يعماد

رضا

صديقتى العزيزه سلمى:

شكرا لك لتقبلك التاج وكتابته عندك وقد ذهبت إلى مدونتك رأسا

دمتى فى حفظ الله ورعايته

صديقى العزيز جدا:

خطيره جدا حكايه الرسائل المشفره دى بس يا ترى كانت بتنجح الرسائل دى ولا كان بيتم القبض عليها من قبل الاستاذ :)


كانت اياما لا عوده لها وهى الان من اجمل الذكريات التى يستطيع ان يحتفظ بها الشخص لنفسه


اما عن ممنوع الدخول فهذا فقط للتمويه وأطمئن يا صديقى فإنك ستخرج منها سليما كما خرج الباقون فلا تخف :)


من الممكن ان تكون كذلك يا صديقى الوحده وهى أن أكون وحدى بعض الشىء ولكنى لا أقصد ذلك بل أقصد الوحده فعلا وأحاول جاهدا أن انفضها عنى


أشكرك على مساندتك لى وإننى أقوم بذلك جديا الان واننى كان من الممكن ان اضع سرا غير ذلك ولكننى فعلت هذا واظهرت مساوئى وذلك لإيجاد حل لها وان تساعدونى على ان اغير منها الى ما هو احسن إن شاء الله


اننى لا احب الغموض وعدم الصراحه فإذا أخطأت فإننى أعترف بخطأى وذلك مهما كلف الامر تجاهى وكذلك عن شخصيتى وانقسامها
فأقو مبتدئا بذلك حتى لا يأتى أحد من خلفى ويقول اننى كذلك فأعنرف انا بها واوضحها من عندى


سيده لا بمعنى سيده ولكن اسمها سيده وهذا المكتوب فى شهاده ميلادها ويا سيدى معلش عديها


أتدرى فعلا انك اكثرت من الكلام ومحتاج الى قسط من النوم فهيا يا صديقى قم من على جهازك الكمبيوتر متجها الى سريرك

ولكن احذر من التهيئات ارجو انها لم تصيبك فتحتاج الى كوب الماء بجانبك لا لكى تشرب ولكن لتستفيق من التهيئات :)

ههههههههههههههههه


أنى أعترف ان الحب ليس وهما وان الوهم من صنعى ولكن اتركنى لكى اعيش فيه لأننى اجد هذا الوهم جميلا

أستاذى النعمانى:
شكرا لك على وجودك الجميل بمدونتى مبتعدا عما بداخل التعليق من كلام

إلى أسره حوار مع مدون:

نشكر أسره حوار مع مدون وذلك للتنويه لنا عن حلقتها الاسبوعيه

برنامج رائع واسره رائعه تعمل لهدف واحد

ألا وهو (هدفنا المحبه والتعارف بيننا اسره جيران
اسره وحده هدف واحد حب واحد)

دمتم فى حفظ الله ورعايته

صديقى كريم الشيخ:

بعد التحيه

أقوللك انها فتاه وليست سيده ولكنها تدعى سيده اى ان اسمها سيده وذلك كما اوضحت لصديقى محمد المهدى



يا سيدى ولا تزعل بلاش انفصام فى الشخصيه

إيه رأيك فى انقسام فى الشخصيه :)

أنا لم أقصد هذا المعنى فى جوهره ولكنى اقصده فى شكله فقط فلم اجد حينها سوى هذه الكلمه امامى لأكتبها

اما عن المرحله التى امر بها الحمد لله اننى أطمئنت نفسى انه ليس انا وحدى من امر بها ولكنها مرحله المراهقه هى التى تجعلنى بهذه الحال

دمت فى حفظ الله ورعايته

عزيزتى fatoma88:

اولا: اشكرك على تواجدى بمدونتى

ثانيا:اكيد ان الشخصيه الثانيه هى الجميله والاحلى بكتير ودا مش تهيئات ولكنها حقيقه يجب الاعتراف بها

دمتى فى حفظ الله ورعايته

عزيزى رضا:

ههههههههههههههههههههههه

عجبانى اوى (قريت بغلاسه بس عشان اعاندك فى عنوانك)

المهم ان الموضوع عجبك بس عايز اخ رأيك تدينى كام فى المائه(%)
:)ههههههههههههههههههه

شكرا لتواجدك الجميل بمدونتى

دمت فىحفظ الله ورعايته

ازيك يا عماد و اللهى سورى عارفه يومين علشان اشرحلك النظريه كتير سوووورى نا بقيت اعمل الحاجات دى كتير اوى النسيان بقى عندى كارثه - وراثه من ماما و شكلها هتستمر معايا -
يالهووووى عاجبك كده !!

المهم انتا مقتنع بنظريه الاستاذ ولا ايه !!

على فكره انا بحب الفلسفه بطريقه مش عاديه بيتهيألى وصلك غير كده بس مش فلسفه يعنى الباب الاول و التانى فاهمنى
قصدى على العلم الواااااااسع التحفه ده

عموما فى مشكله
انا كنت فاكره انى هدخل الاقى بتاع 5 او 7 مواضيع مشوفتهمش و واضح انى مش بفتكر خالص ها !!
فين الجديييييييد
مالكو يا جمااااااااعه

على فكره بردو انا كنت داخله علشان اقول حاجه بس نسيتها

اختك علياء

الاخت الجميله علياء:

ولا يهمك خالص المهم انك تكونى فى الفتره دى لم تهدرى الوقت وعملتى شىء مفيد ينفعك فى الامتحان

اما بالنسبه للنسيان فإنها نعمه ربنا اعطاها لنا لكى نحمده عليها ولكى يرحمنا بنعمته من المعاصى والذنوب التى نرتكبها وننساها لكى نقول ربنا غفور رحيم


وماله لما يكون النسيان وراثه فى حد يطول انه يكون واخد شىء من عائلته والنسيان عمره ما كان وحش بس ساعات بيودى فى داهيه

ههههههههههههههههههههه :)


اما عن نظريه استاذ الفلسفه فأنا مقتنع بها وإلا كنت عارضتك فيها وجادلتك
لأنى بحب المجادله شويه بس فى حاله لما اكون متأكد من الكلام اللى انا هاجادل فيه


انا اللى وصللى انك بتحبى الفلسفه من بابها الواسع وليس المفهوم الضيق

منهج وإقلب لأ المعنى الواسع ليها وهو علم الفلسفه

الجديد بالنسبه لى انا موقفه دلوقتى عشان فتره الامتحانات عندى والمفروض انك تكونى اول واحده ما تدخليش على النت الفتره دى خالص عشان (البعبع)
قصدى الثانويه العامه
وانا امتحاناتى قربت قوى هامتحن يوم 20\5

تمنى لى النجاح ولنا جميعا ان شاء الله


يا رب تفتكرى اللى انتى كنتى عايزه تقوليه وانا مستنى هاتقولى ايه

اما عن الزهايمر اللى عندك (النسيان)
فدا بسبب الارهاق الشديد من المذاكره فى الفتره دى ودا تحليلى الشخصى

دمتى فى رعايه الله وحفظه

أخوكى عماد

الابن الغالي عماد
دعواتي لك بالتوفيق والنجاح
-------
نداء الي كل المدونين
الإضراب الأول للمدونين
إضراب عن الكتابة من اليوم 13/4/2007
لماذا تتباطأ وزارة الصحة المصرية في إجازة العقار الجديد لعلاج مرضى فيروس ( سي ) ؟
هل لمافيا العلاج دور في ذلك ؟
http://nabilagonem.jeeran.com/archive/2007/5/219016.html
الدعاء للجميع بالصحة والسعادة

فينك يا عمدة؟؟


؟؟؟؟
؟؟
؟
!

الاستاذه الغاليه نبيله:
شكرا لكى على دعواتك لى ويا رب ننجح كلنا

مادز الجميل:
كيفك يا جميل ايه أخبارك واخبار امتحاناتك ايه يا رب تكون بخير
أعذرنى الفتره دى بعيد عن النت عشان الامتحانات
انت عارف بقى حقوق وخنقتها
ادعى ربنا ينجحنا كلنا
وقول آمين

عماد الجميل :
لأنك صديقى الهادىء لجميل لم أستطع أن " أطنشك " ولكن صممت أن أمر عليك فى عودتى .... الى مدونتى الحبيبه ..
قريبا جدا ..
هيروووو

عمااااااااااااااااااااااد :
صح النوم كفايه ...
لك عندى تاج كمان ..
ممكن .. تمر بالمدونه كي تجيب عليه ؟
هيرووووووووووووووووووووووووو

اهلا وسهلا مدونتى الحبيبه عذرا على تأخرى عليك ولكن ما باليد حيله والسبب هو امتحاناتى ولكنى عدت اليوم لكى حبيبتى لكى ابوح بما داخلى تجاهك انت وحدك
فهل تقبلى اعتذارى؟؟؟

هلا صديقى العزيز احمد خيرى:
معلش اصل انا كنت محتاج شويه نوم يعنى كام يوم كده على الماشى عشان افوق
والحمد لله تمت العمليه بنجاح وتم انقاذ عماد عبد الشافى من غيبوبه نوم دامت لمده شهرين وعلى الساده الملاحظين التوجه الى قسم التبرعات حالا
هههههههههههههههههههههه
شكرا والسلام عليكم ورحمه الله وبركاته

أخي العزيز عماد

السلام عليكم ورحمه الله وبركاته

\
/
\
الصرحه شي جميل في حياتنا وانا قد اعجبنب فيك صرحتك وكلك أسرار وكل اناس ولكن بعض الاسرار لا نقدار علي بوحها

وشكري لقلمك التي خطط لنا بعض من اسرارك الرئعه

لكي تحياتي وتقديري

\*/
حــوت فـلـسـطـيـن